Edu-Challenge result tichhuak

SCERT-in inkhàrkhip chhunga Mizorama zirlai leh zirtirtute tana intihsiakna, Online Edu-Challenge 2020 intihsiak ṭum sarihna leh a tàwpna an buatsaih result chu nimin khan tih­chhuah a ni.

Intihsiakna hnuhnung ber hi elementary school tana buatsaih a ni a; zirlaite chu an zirlaibua mi thawnthu an duh ber thlang chhuakin an insawi ngaihnawm siak a, zirtirtute chu English vocabulary zirtir dan (demonstration class) video siamin an intihsiak thung. Zirlaite inelnaah Johan Vanneih­tluanga Sailo, Holy Mission School-a pawl 5 zirlai pakhatna a ni a, zirtirtute inelnaah Lily Lalrammawii, Khanpui M/S pakhatna a ni.

SCERT chuan, intihsiakna ngai pawimawha tel ṭhin zirtirtu leh zirlaite chungah lawmthu an sawi a; lawmmante chu kum tawpa SCERT din champha vawi 40-na (ruby jubilee) lawmnaah sem tura ruahman a nih thu an tarlang.