ASF vangin vawk 10,621 thi tawh

AH&Vety chhinchhiah danin, Mizorama district tinah vawk pùl hri African Swine Fever (ASF) a léng tawh a; March 21, 2021 aṭanga nimin thleng khan khua/veng 168-ah ASF vangin vawk 10,621 a thi tawh.

March 21, 2021 khan Lunglei district-a Lungsen khuaah vawk a thi ṭan a; Mizorama vawk hri léng tawh ṭhin CSF leh PRRS a ni lo tih finfiah a nih hnuah April 5, 2021 khan Special Disease Investigation Team-te Lungsenah an kal a, April 16, 2021-ah ASF vanga thi a ni tih finfiah a ni.

Mizoramah ASF kai tawh vawk 1,305 suat a ni tawh a; khua/veng 86-ah ASF nia rinhlelh, mahse, la finfiah loh vawk thi 584 a awm tawh bawk. March 21, 2021 hnu lama vawk thi avanga sum hloh hi cheng vbc. 117 vela chhût a ni a; hmun hrang hrangah ASF awareness campaign vawi 201 buatsaih tawh a ni.