Mizoram leh Assam CS-te an inbe dawn

Vawiin hian Mizo­ram chief secretary Lal­nunmawia Chuaungo leh Assam chief secretary Jishnu Baruah-te chu ramri chungchangah Gujarat Bhavan, New Delhi-ah an inbe dawn.

Mizoram leh Assam ramri buaina avanga Mizoram Chief Minister leh Assam Chief Minister inbiakna bawhzuiin state pahnih chief secretary-te hi an inbe dawn a ni. Lalnunmawia Chuaungo hi Delhi-a chám mek DGP SBK Singh leh Aizawl aṭangin Home joint secretary Lalthiamsanga Sailo ten an ṭawiawm ang.