KHAWTHLIR

Thisen pe
AVBD leh SAD-te chuan nimin khan Mizoram Secretariat tualah blood donation camp an huaihawt chhunzawm a, mipa 25 leh hmeichhia pahnihin Aizawl Civil Hospital thisen unit 27 an pe. January 16-a pek unit 53 nen Secretariat-a blood donation camp-a thisen pek zawng zawng chu unit 80 a ni. Kolasib Diakkawn Branch YMA pawhin an diamond jubilee pualin nimin khan Kolasib District Hospital tan thisen unit 45 an pe a, a petute mipa 32 leh hmeichhia 13 an ni.

CM lakah PIL
Lalhriatrenga Chhangte, Serchhip chuan chief minister Lal Thanhawla chu kum 2013-a Assembly inthlan dawna affidavit dik lo thehlutah puhin, nimin khan Serchhip District Court-ah PIL a thehlut. Lalhriatrenga Chhangte hi Serchhip chief judicial magistrate Lalngaihmawia Zote-in a lo dawngsawng a, criminal complaint No.1/2018 U/S 190 r/w Section 200 of Cr.P.C ziah luh a ni.