MJA-in inhlan tharna hun hmang

Mizoram Journalists' Association (MJA) general headquarters chuan, nimin khan Aizawl Press Club-ah kum 2018 atana inhlan tharna leh thingpui inhona hun an buatsaih a, MJA member ṭhahnem tak an tel.

Inkhawm hi MJA vice president Zonunsanga Khiangte-in a kaihruai a, general secretary C Lalhmachhuana'n kum 2017 chhunga MJA hmalakna leh pawl chhunga thil pawimawh leh chhinchhiah tlak hrang hrang thlengte a sawi a; president Vanlalrema Valtawl-in member-te fuihna thu a sawi.

Vanlalrema Vantawl chuan, kum 2017 chhungin MJA chhung­­khuaah chhiatna leh van­duaina thleng ve bawk mah se, hmasawnna leh lawmna hmuh tur tam tak a awm thu leh MJA Pathian malsawmna an dawn nasat thu a sawi a; MJA anga hmalaknaah ṭangrual zel tur leh inṭawiawm zel turin member-te a sáwm.

MJA President chuan, "MJA hi eizawnna vanga inthlung khawm kan ni a, pawl chetna leh hmalakna eng pawh inthlawp ṭhat kawngah tun aiin hma kan sâwn thei ang," a ti.

Inkhawmah hian kum 2017-a NEDP press study tour thawh li neih puala chanchinbua article ziak ṭha mi pali hnenah lawmman hlan a ni.