Larsapin Siaha district tlawh

Govneror Lt.Gen. Nirbhay Sharma chuan nimin khan zan khat riak turin Siaha district a tlawh a, Circuit House hall-ah Mara Autonomous District Council (MADC) leh Mizoram sorkar official-te meeting a neihpui nghal.

Meeting-ah hian Siaha DC Harleen Kaur-i'n, 'A brief profile of Siaha district' tih thupui a hmangin Siaha district dinhmun a sawifiah a, MADC executive member MH Tiabi pawhin MADC dinhmun tlangpui a lem nen a sawifiah. Siaha district-a MLA pahnih - Assembly speaker Hiphei leh Dr K Beichhua te pawhin thu an sawi.

Larsap chuan, Siaha district hmasawn nana hmalakna kawng hrang hrangah MADC leh Mizoram sorkar hnuaia official-te chu information inhrilh tawn a, thawhhona ṭha tak neih chhunzawm zel turin a chah a, "Official-te hi zûk leh hmuam fihlimna kawngah mipui entawn tlaka nung tur kan ni," a ti.

Circuit House-a meeting zawh hian Governor hian Siaha College-ah Siaha district-a mi pawimawh sàwm bikte leh zirlai naupangte a kawm a; chumi hnuah Siaha District Hospital leh Industrial Training Institute a tlawh leh bawk.