Thanliana'n Horticulture College tur a tlawh

LAD leh Horticulture changtu minister PC Lalthanliana chuan January 16, Thawhlehni khan Thenzawla LAD Park leh Horticulture College tur building sak mekte a enfiah.

Horticulture College tur a tlawhnaah PC Lalthanliana hi project manager leh service engineer-te'n lo dawngsawngin, an hnathawh tawh chin leh hmabak la awmte an hrilhfiah.

PC Lalthanliana chuan, hna thawh tawh chin chu ṭha tâwk a tih thu sawiin, chak taka an thawh chhoh zel a beisei thu leh harsatna an neih chuan sutkian zel a nih thu a sawi.

Horticulture Colllege tur sak hna hi National Project Construction Coorporation (NPCC)-in an thawk a,TRIBENI Construction Ltd. Guwahati, Dispur leh M SOLO Engineering, Nagaland (Prefab Structure) te an chhawr chhawng.

College tur dinna atan hian cheng vbc. 70 ruahman a ni a, November 15, 2017-ah hna thawk ṭanin, 15% vel an zo tawh a, thla 18 chhunga thawh zawh tura tih a ni.

LAD Park a tlawhnaah hian PC Lalthanliana hian hmalak zui ngaite LAD officer-te a sawpui a; LAD director RS Lalzamliana leh khawtlang hruaitute'n an ṭawiawm a ni.