Ṭhelrêta hmalak dan tur sawiho

Land Resources, Soil & Water Conservation minister R Lalzirliana pisaah nimin khan Rubber & Allied Crops Development Board an ṭhu a, hmalak dan tur an sawiho. He huna tarlan danin, Mizoramah hectare 46,000 vela zauah ṭhelrêt chìnna tur ram ṭha a awm.

Meeting chuan, ṭhelrêt chíng duh tur district tinah zawn ni se, NABARD loan aṭanga rubber plantation leh rubber processing project proposal pawm a nih chuan, hmalak nghal theih turin beneficiary list peih ni se, an ti.

Covid-19 do nan Governor, MLA, sorkar hnathawk leh mimal ṭhahnemngaite'n sorkarah an hlawh leh thilpek chhùnga ṭan an lâk lai a nih avangin, Socio-Economic Development Policy (SEDP) aṭanga rua­hmanna Board-in a neih 

ṭhenkhatte pawh lêt ni se, an ti a; sorkar kum thar atan hmunphiah, kuhva leh sandalwood-te chíng duh tur loneitu list lâk khawm ṭan an rel bawk.

LRSWC department-te'n division hrang hrangah kuhva chíng leh kuhva aṭanga sum leh pai an thawh chhuah zatte record neih ni se, an ti bawk a ni.