GST meeting-ah Sawta

Nimin khan Vigyan Bhavan, New Delhi-ah 25th Goods and Ser­vices Tax (GST) Coun­cil Meeting neih a ni a, Mizoram aṭangin Taxa­tion minister Lal­sawta chu GST Council member a nih angin a tel a, Taxation secretary Vanlal­chhuanga leh joint commis­sioner HK Lalhawng­liana ten an ṭawiawm.

Meeting hi Union Finance minister Arun Jaitley leh Finance secretary Hasmukh Adhia te kaihhruainaa neih a ni a; GST dan hnuaiah sumdawngte'n awlsam zawka return an thehluh (file) theih dan tur te, composite dealer chungchang te, nikum November leh December chhunga chhiah hmuh leh chhiah hmuhte Central leh state-te'n an insem dan tur chungchangte an sawiho a ni.

Committee on Handi­crafts-in handicraft a zirchianna report chung­chang te, CGST Act, SGST Act, IGST Act leh GST (Compensation to States) Act, 2017 ennawn chung­chang te, eWaybill leh Coun­cil meeting hmasaa thu dahte an sawiho bawk.

Return file dan tihawl­sam (simplification of return filing) chung­changah chuan, ni 10 chhungin thutlukna siam turin video conference hmanga meeting koh leh ni se, tiin thu an dah.