Department post neih dan zir chiang tur din

Mizoram sorkar chuan sorkar hnathawkte an indaihzâi zawk theihna atan, department hrang hrangte'n post an neih dan zir chiang tur Study Committee a din.

Thu dawn danin, Study Committee hi Phase-I atan panga din a ni a, Committee tin chu Mizoram sorkara Secretary-te'n an ho ṭheuh a ni. Committee-ah department hrang hrang aiawh an tel a, Committee pakhatin department pahnih zel an zir chiang dawn a ni.

Committee hian department-a tun hmaa post awm ṭhin, tun dinhmuna pawimawhna awm tawh lo leh, post awm ngai lo tun dinhmuna mamawh tawh site an zir chiang dawn a; an thil hmuh chhuahte chu Committee-in sorkar an thehlut ang a, a ṭul ang sorkarin a bawhzui dawn a ni.