Champhai MJA-te'n sangha humhalh en

Champhai district MJA member-te leh IPRO Dr Lallawmkima, NEDP Press Study Tour neia Mizoram chhim lam tlawhtute chuan nimin khan Chhimtuipui Darzokaia sangha humhalh an en a; sangha humhalhte chaw tur lei nan Tuipui-D YMA hnenah IPRO leh MJA-te'n Rs. 1,000 ve ve an hlan.

Champhai journalist-te hi Tuipui Branch YMA Rûnah YMA hruaitute nen an inkawm a; journalist-te chuan Tuipui-D' khaw­tlangin luia sangha humhalh nachang an hria chu fakawm a tih thu sawiin, Tuipui khawtlang chu lui dung an humhalhte tun aia ṭha zawk leh changtlung zawka kalpui zel turin a chah.

Tuipui-D khawtlang hian kum 1982 aṭangin Tuipui-D lei aṭanga lui hnar lam leh mawng lam km. khat ve ve bial chhunga sanghate an humhalh ṭan a; an humhalh chhunga lui nungchate chu man an phal lo. Hei vang hian luiah hian sangha tam tak an awm a, an ngam hle bawk a ni.