KHAWTHLIR

Zirlai in el
Indian National Trust for Culture and Heritage (INTACH) chuan nimin khan DIET Auditorium, Chaltlangah Poster Making Competition an buatsaih a, thupui chu ‘Route to Roots’ tih a ni. Intihsiaknaah hian pawl 6-11 inkar zirlaite an tel.

Thisen pe
Champhai Vengthlang Branch KṬP chuan nimin khan an kum 60-na, diamond jubilee lawm nan Champhai District Hospital tan thisen unit 52 an pe a, a petute mipa 36 leh hmeichhe 16 an ni.

Councillor 10 tel
January 18-19, 2018 khan Bengaluru-a Sheraton Grand Hotel-ah tui thianghlim in tur sâwngbâwl dan, hriselna leh thianghlimna chungchang zirhona national seminar neih a ni a, councillor 10 an tel.

Heroin man
Champhaia Excise & Narcotics enforcement-te chuan nimin chawhma dar 11 khan Mualkawiah heroin gram 52.9 an man a, a neitua puh Lalrinfeli (37) d/o Thansiama (L), Zuangtui, Aizawl nia inchhal an man nghal.