Covid-19 vanga thi awm belh

Nimin khan Covid-19 vanga thi mi pahnih an awm a, sorkar chhinchhiah angin MIzoramah hripui vanga thi mi 103 an awm tawh.

Covid-19 vei State Referral Hospital (ZMC)-a enkawl lai Ngunhuma (57), M Kawnpui Hermon Veng, Lawngtlai district chu nimin tlai dar 4 khan a thi a; nizan khan an khua panpui niin, vawiinah vui a ni ang. Amah hi Covid-19 positive a ni tih July 5, 2021-ah hmuh chhuah a ni a, SRH-ah enkawl nghal a ni.

Nizan dar 7:40 khan Elizabeth Zonunmawii (31), Mamit Lungsir Veng pawh Covid-19 vangin SRH-ZMC-ah a thi a, vawiinah vui a ni ang. Amah hi hripui vei a ni tih June 25-ah hmuh chhuah niin June 27 aṭangin SRH-ah enkawl a ni.