Local Level Committee for Education Covid-19 lên chhung atan din dawn

School Education department chuan local council leh village council hruaitute hnenah lehkha thawnin, Covid-19 hripui lên laia mumal taka zirna kalpui a nih theih nan Local Committee for Education During Covid-19 Pandemic din tur a nih thu an tarlang a, an veng/khuaah ṭheuh committee din turin an ngen.

School Education department tarlan danin, committee-ah hian LC chairman / VC president-te chu chairman an ni ang a, vice chairman chu YMA president emaw YMA aiawh emaw an ni ang. Member-te chu zirtirtu, nu leh pa, zirna lama tui mi leh tawnhriat neite leh volunteer (an awm chuan) pahnih ṭheuh an ni ang.

Member secretary chu khua/veng chhung sorkar sikula headmaster zinga a àwm an tih ber ruat tur a ni a, an awm loh chuan senior teacher pawh ruat theih a ni.