Changzawl Health Clinic hawng

Lengteng bialtu MLA L Thangmawia chuan nimin khan a bial chhung Changzawl khuaa MLA fund Rs. 5,00,000 hmanga sak health clinic a hawng.

L Thangmawia chuan, "Health department-ah pawh health clinic centre puitling a nih theih nan theihtawp ka chhuah mek a ni," a ti a; Changzawl khawtlang tan oxygen concentrator, kutkawr leh hmai tuamnate a pe a, MLA fund hmangin health worker a rawihsak bawk.

L Thangmawia hian a biala MLA fund hmanga siam mek Kawlkulh North community hall-a babminton court carpet phah leh NE Khawdungsei - Tuivai agriculture link road laih mekte a enfiah nghal a; a biala damdawi-in hrang hrangah damdawi leh thil chi hrang hrang a pe bawk a ni.