KSU-in judicial inquiry din an duh

Kawlbem Student's Union (KSU) chuan, Daikhanlama, Kawlbem thih chhan chhuitu tur judicial inquiry din tura ngenna July 8, Ningani khan Chief Secretary hnenah an thehlut.

KSU chuan thuchhuah siamin, Ngopa Ruihhlo Do Pawl kuta a awm laia Daikhanlama thih thubuaiah police-in mi pasarih an man leh thubuai an kalpui dan thuthangah an ngaih a ṭhat loh thu an tarlang.

KSU hian Chief Secretary hnenah hian India leh Myanmar ramri kaltlanga ruihhlo lo lut ṭhin nia hriat chu tihtawp a nih ngei theih nan atana pawimawh ber nia an hriat chu Sialkal tlangdungah police station pakhat tal dah a ni a, police station dah ve ngei turin an ngen nghal a ni.