Zirlaite hnenah smartphone sem

Mizo Students’ Union Gen.Hqrs chuan MSU Smartphone for BPL/AAY Students hnuaiah a thawh khatna atan nimin khan Aizawl Press Club-ah smartphone an sem. 3:16 Plan Solution neitu John Lalpeka'n smartphone-te chu zirlaite hnenah a sem a ni.

MSU president J Lalmuanzuala chuan, Smartphone for BPL/AAY Students chu zirlai harsa zual tak takte tana kalpui a nih thu a sawi a; smartphone dilna chu tunkar hun chhung chiah an hawn thu leh sem thawh hnihna an neih leh thuai tur thu a sawi bawk.

MSU hian Tahan, Myanmar-a Covid-19 léng meka Mizote ṭanpui nan Salvation Army, Tahan Corps hnena pek tur oxygen concentrator chu Myanmar Refugee Relief Committee (MRRC) hnenah an hlan nghal a ni.