Tlawngah mi pahnih tla hlum

Nimin chawhnu dar 3 vel khan Tlawng luia Kutbûl lui chhuah bulah Kawnpui mi pahnih an tla hlum a, nimin tlai vêk khan an ruang hmuh a ni.

Kawnpui aṭanga thu dawn danin, Kawnpui mi pali chu Tlawng lui lamah an ramchhuak a; an zinga pahnih Lalsangliana leh Malsawmdawngzela, kum 30 vel ve ve chu chesualin Tlawng luiah an tla hlum a ni. An tlakna bul lawkah tlai dar 5:30 velah Lalsangliana ruang hmuh a ni a, a hnu minute 20 velah Malsawmdawngzela ruang hmuh leh a ni bawk.