MRP aia toa hralh lo turin ngen

Mizoram Truck Owners' Association (MTOA) chuan, motor part zuar zingah a man inziahna thai chhia a, a man inziak pangngai, maximum rerail price (MRP) aia toa hralh chíng an awm niin an tarlang a, chutianga ti ṭhinte chu ti tawh lo turin an ngen.

MTOA thuchhuah chuan, motor lian hmanga eizawng­tute'n Mizoram tana ei leh bâr an phurh luh kawngah har­satna hrang hrang an tawh ṭhin thu tarlangin, chu'ng zingah chuan Mizorama motor part zuartute zinga mi ṭhenkhatin MRP aia toa an hralh ṭhin chu a nih thu a sawi a ni.

Mahni hnampui ngei bum duh an awm chu a Kristian lo a, a Mizo lo hle nia sawiin MTOA chuan, MRP aia toa hralh chíngte chu ti tawh lo turin an ngen a; ti lui an awm chuan man chhuak tura ṭan lak an inhuam thu an sawi bawk.