Mizo nihna zirho a ni

Students' Christian Movement of India (SCMI) Aizawl Theological College (ATC) unit chuan, January 20, Inrinni khan Synod Conference Centre-ah Mizo hnam bihchianna leh hmathlir zirhona seminar an buatsaih a; Mizoram hmun hrang hranga SCMI unit member-te leh tlawmngai pawl aiawhte an tel.

Seminar hi chawhma dar 10-ah ṭan niin, ACMI ATC unit president C Lalremruata'n a kaihruai a, Jawaharlal Nehru University, New delhi-a zirtirtu, Prof. Joy L Pachuau-in 'Mizo Identity bihchianna' tih paper a buatsaih zirho a ni.

Chawhnu lam chu ATC Student Body president Zosangliana Rokum-in a kaihruai a, ATC lecturer Rev.Dr LH Rawsea'n 'Mizo identity hmathlir' tih paper a buatsaih an zirho a ni thung.