Khualzin hîpna tur siamna tur tlawh

Tourism minister John Rotluangliana chuan, January 19, Zirtawpni khan KV Multipurpose School, Durtlang bula ropeway cable car landing station hmun tur leh Sihphir leh Lungdai inkar rama Sakawrhmuituaitlang-a 'Skywalk' siamna tur hmunte a tlawh.

John Rotluangliana chuan, ram chhung leh páwn khualzinte hîpna tura Tourism department hmalaknate chu sorkar laipuiin a phûrpui hle niin a sawi a, "A siamna tur sum cheng vbc. 99 sanction a ni a, first instalment leh second instalment dawn tawh a ni," a ti a; Mizoramah fûr a rei ṭhin avangin hnathawh theih chhung a rei loh avangin a rang thei ang bera hna ṭan tur­in a siamtu tur Leading Edge hotute a hrilh.

Tourism Minister hi bialtu MLA R Lalrinawm­a, Tourism director Biakthanmawia Pautu leh hnathawktu tur Leading Edge Pvt Ltd., New Delhi hotute'n an ṭawiawm a ni.