Union Minister-in Mizoram a rawn tlawh

Union minister of state for Drinking Water & Sanitation Ramesh Chandappa Jigajinaji chu Mizorama ni hnih chám turin Pathianni khan Mizoram a rawn thleng a; Muallungthu, Falkawn leh Melriat khuaa PHE department hnuaia National Rural Drinking Water Programme (NRDWP) leh Swachh Bharat Mission (Gramin) hnathawhte a enfiah.

Ramesh Chandappa Jigajinaji hian NRDWP hnuaia tui khawlna tura hmalaknate leh Swachh Bharat Mission (Gramin) hnuaia mimal inthiarna (individual household latrine ) leh vantlang inthiarna (community sanitary complex) siamte a enfiah a; PHE department hotute leh khawtlang hruaitute'n an ṭawiâwm.

Individual household latrine hnuaiah hian Mual­lungthu-ah inthiarna 98, Falkawnah 32 leh Mel­riatah 21 siam a ni a; Aizawl district bikah Swachh Bharat Mission (Gramin) hnuaiah inthiarna 1,517 siam tawh niin, Aizawl district chu ODF-a puan a lo ni tawh a ni.

Pathianni vêk khan tlaiah Union Minister hian Governor Lt.Gen. Nirbhay Sharma chu Raj Bhavan-ah a kâwm a; Governor chuan, faina chu Mizote nunphunga bet tlat a nih avangin district zawng zawng chu ODF-a puan an nih thuai tur thu a lo hrilh.