Lawngtlaiah faina beihpui thlak

UDPA department chuan Swachh Bharat Mission (Urban) hmangin nimin khan Lawngtlai khawpuia sikul hrang hrangah faina beihpui an thlak. Beihpui thlak puala hnatlangte Lawngtlai DC Dr Arun T leh SDO (Sadar) Rochuangkimi Khenglawt ten an tlawh kual a ni.

Mass cleanliness drive hi Lawngtlai khawpuia sikul 10 - Region Higher Secondary School, Southern Public H/S, College Veng H/S, Lairam H/S, Model English School, Lawngtlai Bazar M/S, Southern Standard M/S, AOC Veng M/S, Electric Veng M/S leh College Veng P/S-ahte neih a ni a; an sikul ṭheuh­ah faina hnatlangpui neih a ni.