Mi thil rûk sa lo leisaktu mi 12-te thubuai siamsak
Lunglei SP J Lalṭhafamkima chuan nimin khan a pisaah Lungleia thuthar thehdarhtute Krismas leh kum thar lawm laia an hnathawh dante an hrilhfiah a; July-December, 2017 chhung khan an huam chhungah mi thil rûk lo leisaktu mi 12-te thubuai siamsak an nih thu a sawi.
Lunglei SP chuan, rûkrute nêkchêp an nih theih nan mi thil rûk lo leisak ṭhinte chu dan anga thubuai siamsak zel an nih thu a sawi a; chutih rualin, thil rûk lo leitute zingah rinhlelh nacháng hre lo, rilru thianghlim tak púa lo lei palhte lakah erawh ngahhnathiamna sang tak an lantir ṭhin thu a sawi bawk.