K Lalrinliana'n mosque satute Sorkar ngaichang turin a hrilh

Minister of state K Lalrinliana chuan nimin khan Bairabi Zophai a tlawh a, mosque satu hnamdangte chu Mizoram sorkar thu ngaichang turin a hrilh.

K Lalrinliana chuan mosque sakna hmun chu Mizoram chhung a nih thu sawiin, mosque satute chu Mizote tana harsatna siam lo turin a chah a ni. K Lalrinliana hian  Bairabia COVID-19 screening point pawh a tlawh a, COVID-19 laka mipuite an him theihna atan sorkarin theihtawp a chhuah a ni tih minister chuan a sawi.

Sorkarin mipuite hriselna a ngaih pawimawh thu sawiin K Lalrin­liana chuan, "COVID-19 hri leng mek lakah pawh chiai mai loh tur. Sorkar chuan mipuite kan fimkhurna turin inralrinna dar a vaw mai chauh zawk a ni," a ti.