Chief Minister Zoramthanga hoin Ramri chungchang sawiho a ni

Nimin khan chief minister Zoram­thanga hoin Chief Minister Office-ah ramri chungchang sawiho a ni. Vawiin hian Home minister Lal­chamliana'n thuthar theh­darhtute a kâwm ang.

Ṭhutkhawmah hian Lok Sabha MP C Lal­ro­sanga, Rajya Sabha MP K Vanlalvena, Assembly speaker Lalrin­liana Sailo, minister te, Serlui bialtu MLA Lalrinsanga Ralte leh MNF office bearer-te an tel.

Ṭhutkhawma thu­tlukna an siam dan chuan, ramri chungchangah hian Home Minister-in thuthar thehdarhtute a kâwm ang a, minister pahnih - Lalchhandama Ralte, Lalruatkima leh Serlui bialtu MLA Lalrinsanga Ralte ten an ṭawiawm ang. Press conference-ah hian ramria sorkar ngaihdan leh ruahmanna a siam tlangpui mipui hriat àwm chinte an puangzar dawn a ni.

Chief Minister-in July 14, 2021 hian ramri chung changah Mizoram Kohhran Hruaitute Commi­ttee, political party-te leh tlawmngai pawl hruaitu meeting ko se, an ti bawk.