Sorkarin SOP a tidanglam

Gauhati High Court thupek angin Mizoram sorkar chuan Covid-19 kaihhnawiha Standard Operating Procedure (SOP) a siam chu nimin khan a tidanglam.

Mizoram sorkarin July 15, 2021 thlenga hman tur Covid-19 inkhuahkhirhna (SOP), June 29, 2021-a a tihchhuah chu July 2, 2021 khan Gauhati High Court, Aizawl Bench chuan tidanglam turin a lo hriattir tawh a ni.

SOP tihdanglamah chuan, thil hrang hranga Covid-19 laka invênna damdawi (vaccine) la tawhte tan chauha phalsak chu paih vek a ni a, "Mipui vantlang kan lo him zawk nan Covid-19 vaccine la la lo zawng zawngte chu sorkarin a thlàwna vaccine lakna a ruatahte a hma thei ang bera vaccine la tura ngen leh beisei an ni," tih a ni.