F Lalchhandama hnenah National Bravery Award

India rama naupang huaisen chawimawina, National Bravery Award 2018 chu F Lalchhandama (17), Tuikual, Aizawlin a dawng a; January 24, Nilaini khan prime minister Narendra Modi-a'n New Delhi-ah F Lalchhandama pa kutah a hlan.

F Lalchhandama leh a ṭhiante chu May 7, 2017 khan Tlawng luiah an kal a, an ṭhian pakhat, Lalremkima chu luiah a tla a, chumi chhan tum chuan F Lalchhandama hi luiah a zuang lut nghal a; mahse, chhan chhuak zo loin, an pahnihin tuiah an tla hlum a ni.

Kuminah hian National Bravery Award hi naupang 16-in an dawng a, chu'ngte chu state 13-a naupangte an ni.