Oil palm cheng nuai 103.63 man hralh

Kum 2017 chhung khan Kolasib district-a oil palm chíngtute'n Godrej Agrovet hnenah an oil palm thar metric ton 1884.058 an hralh a, cheng nuai 103.63 man a ni.

Kolasib aṭanga thu dawn danin, an district-a oil palm chìn ṭan aṭanga December 2017 thleng khan Godrej Agrovet hnenah metric ton 8114.463 an hralh tawh a, chu chu cheng nuai 433.17 man a ni.

Tun dinhmunah Kolasib district chhunga ram hectare 6,853-a zauah oil oalm chìn a ni a, kum hmasa lamah ruahtui a tam avangin kumin oil palm tam zawk thar an beisei. Kumin hian hectare 100-a zauah oil palm chîn belh tum a ni a, Kolasib district-a oil palm thar tamna ber Mualkhang zâu kawng chu fûr leh ṭhálah pawh oil palm phurh chhuah hman reng a nih theihna atan siam tum a ni bawk.