Republic Day vawi 69-na

Vawiin, January 26 hi India Republic Day a ni a, state capital Aizawl leh district khawpui tin bakah, civil sub-division leh block ṭhenkhatahte hman a ni ang. Republic Day lawmnaa tel turin mi zawng zawng sawm an ni.

Republic Day vawi 69-na hi Aizawlah chuan Lammualan hman a ni dawn a, zing dar 9-ah ṭan a ni ang. Governor Lt.Gen. Nirbhay Sharma-a'n hnam puanzar a pawt pharh dawn a, parade contingent-te'n hnam puanzar chibai an bûk a chháng ang a, thuchah a sawi ang. Republic Day-ah hian national award leh state award dawng turte hnenah Governor-in a hlan bawk ang.

Chhun dar 11-ah sawm bikte tan Raj Bhavan tual­ah Republic Day At Home buatsaih a ni dawn bawk.

Republic Day pual hian sakhaw hrang hrang leh kohhran hrang hrangte chu ram himna leh inlungrualna atan ṭawngṭaina tura ngen an ni.