Thenzawlah ZPM an din

Zoram Peoples Move­ment (ZPM), Serchhip district hruaitute leh Then­zawla ZPM-a tuite chuan nimin khan Then­zawl Bazar Vengah joint meeting an nei a, ZPM Stee­ring Committee an din.

Joint meeting hi ZPM Serchhip district Stee­ring Committee vice chairman R Zakapa'n a kaihruai a, secretary Kapliana Pachuau-in report a pe. Kal khawmte chuan Thenzawlah ZPM Steering Committee an din a, hruaitu an inruat nghal a ni.

Thenzawla ZPM Steering Committee chuan resolution an pass a, "Zoram tluchhe mek siamṭha tura ṭangrual pawl ZPM a piang hi lawmawm kan ti a. Pathian leh Kohhran duh dan ngaichâng chunga Zoram chhanchhuahna beihpui a thlak mekah tel vek turin Zoram mipui zawng zawng kan sawm a che u," an ti. Kumina MLA inthlanpui awm turah ZPM-in Serchhip bialah hnehna an chan ngei theih nan hmalak an tum thu an tarlang bawk.