Mission Veng ṭobul sawiho

YMA, Mission Veng Branch chuan nimin khan Synod Conference Centre-ah 'Mission Veng ṭobul sawihona' an buatsaih a, mi ṭhahnem tak an tel.

Mission Veng ṭobul sawihona hi Zonunmawia'n a kaihruai a, Mission Veng bialtu pastor Rev. R Lalhmingthanga'n hunserh hmangin, Lalhruaitluanga Ralte-in paper a buatsaih a chhiar. Aizawla mi hlun tak takte'n an hriat dante an sawi hnuah, Sap Upa, Pu Buanga leh Zosaphluia te Thingpui huan tlang aṭanga tuna Banglapuia an insawn ni, October 23, 1897 chu Mission Veng din ṭan ni-ah an pawm a ni.