Mipui ṭawiawmna ngen

Zoram People's Movement (ZPM) ṭhalai hruaitute chu nimin khan ZPM pisaah an chairman Lalmuanpuia Punte hoin an ṭhukhawm a; kumina MLA General Election awm tur hmachhawn dan tur leh hmalakna tur hrang hrangte an ngaihtuah.

ZPM ṭhalai thuchhuah chuan, "Congress leh MNF party-te'n kum 30 chuang kan ram an sawp chhiat vanga Zoram tlu chhe mek tungding leh tura ZPM -in hmalakna hlawhtling taka a hlen chhuah theih nan theihtawp kan chhuah dawn a, Zoram mipui ṭawiawmna kan ngen a ni," an ti.