Hmeichhiate kan tlânchhe dawn lo - MHIP

MHIP General Headquarters chuan thuchhuah siamin, Mizoram chhan nan hmeichhiate'n ṭangkaina an nei ve a nih chuan Mizo hmeichhiate an tlanchhe dawn lo a, an ṭangrual tlat dawn tih an tarlang.

MHIP chuan, July 10, 2021-a Mizoram chhung Buarchep phaia Mizote thlai tichhia a, Mizo hmeichhiate kutthlaktu Assam police-te an dem thu an sawi rualin, ram chhanna lama Mizo hmeichhia hliamte chu an ngaisang a, an chhuang tak zet tih an sawi.

MHIP chuan, "Zoram hmun hrang hrang aṭangin ramri buaina avang leh hliamte thlavâng hauhna au chhuahpuitu kan nei hi lawmawm kan ti a. Miss Mizoram Foundation-te'n pawl anga hma an lâkna hi kan chhuang bawk," an ti a; Assam police-te'n kut an thlak vanga Mizo hmeichhia hliamte chu MHIP Gen.Hqrs.-in ṭanpuina sum an hlan thu an tarlang.