COVID-19: Mizoram dinhmun : Hripui vei 190 hmuh belh a ni

July 11, Pathianni khan Mizoramah Covid-19 vei mi 190 hmuh chhuah a ni a, July thla chhungin mi 3,691 hmuh chhuah a ni tawh. Nimin khan hripui laka fihlim tawh mi 117 chhuahtir an ni a, hripui vangin mi pathum an thi thung.

Covid-19 vei hmuh tharte chu mipa 81 leh hmeichhia 109 niin, Aizawla veng 37 leh khaw dang 20-a mite an ni a; TrueNAT-PCR hmanga hmuh chhuah mi 23 leh RAT hmanga hmuh chhuah mi 167 an ni. ZMC laboratory-ah swab sample endik a ni lo.

Hripui vei hmuh thar mi 190-te chu natna lang chhuak 136 leh lang lo 54 an ni a; tualchhunga kái 187 leh state páwn aṭanga lut pathum niin, tualchhunga kái zingah kàina chin hriat loh mi 100 an awm.

IDSP record angin, Mizoramah Covid-19 vei mi 24,183 hmuh chhuah a ni tawh a, mipa 13,576 leh hmeichhia 10,607 an ni. Nimin tlai dar 5 thleng khan mi 19,735 (81.61%) chhuahtir an ni tawh a, mi 112 (0.46%) thi tawhin, enkawl mek mi 4,336 (17.93%) an awm.

July 11, Pathiannia swab sample endik dan chu - TrueNAT-PCR hmangin district parukah 229 leh RAT hmangin district pariatah 767 a ni a, a vaiin sample 996 (mipa 576 leh hmeichhia 420) niin, chuta ṭanga hripui vei hmuh chhuah 190 chu 19.07% a tling. Positive zat hi mipaah 14.06% a ni a, hmeichhiaah 25.95% a ni thung.

Pathiannia district-a Covid-19 positive hmuh dan chu - Aizawl district-ah mi 148, Kolasib district-ah 18, Mamit district-ah 11, Lunglei district-ah panga, Mamit district-ah pali leh, Siaha leh Lawngtlai district-ah pahnih ve ve a ni.

TrueNAT hmanga hmuh chhuah mi 23-te chu tualchhunga kái 20 leh tun hnaia state pawn aṭanga lut pathum an ni a, symptom nei pali an awm. RAT hmanga hmuh mi 167-te chu symptom nei 132 leh nei lo 35 an ni a; tualchhunga kái vek niin, kàina chin hriat loh 99 an awm.

Hripui vei hmuh thar 190 zingah naupang kum tling lo 50 chuang awmin, a zatve aia tamin symptom an nei a, nausen kum khat tling lo pahnih an tel. Kum 60 chung lam mi 25 aia tlem lo awmin, a tam zawkin symptom an nei a; kum 80 chung lam mi panga zinga pathumin symptom an nei a ni.

Nimin khan tlai dar 5 thlengin hripui laka fihlim tawh mi 117 chhuahtir an ni a; Aizawl district-ah mi 30, Lunglei district-ah 40, Kolasib district-ah 25, Serchhip district-ah pakua, Hnahthial district-ah pali, Lawngtlai leh Mamit district-ah pathum, Champhai district-ah pahnih leh Khawzawl district-ah pakhat an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 7,327 hmuh chhuah a ni tawh a, TrueNAT-PCR hmangin 1,571, RAT hmangin 15,284 leh Guwahati-ah pakhat hmuh chhuah a ni tawh.

IDSP tarlan danin, July 11, 2021 thlengin Mizoramah swab sample 5,26,271 endik a ni tawh a, chu'ng aṭanga Covid-19 positive hmuh tawh zat 24,183 chu 4.59% a ni. Hripui vei hmuh tawh zinga mi 20,235 chu Mizoram chhunga kái chhâwng an ni a, mi 3,948 chu Mizoram páwn aṭanga an rawn luh hnua hmuh chhuah an ni.