Hripui vei pakhat thih belh

Covid-19 vei enkawl lai K Lalchamliana (75) h/o K Lalniropuii, Sihphir Damveng chu nimin zing dar 8:15 khan State Referral Hospital (ZMC)-ah a thi a, hripui vanga Mizorama thi 113-na a ni.

Sorkar thuchhuak tarlan danin, K Lalcham­liana hi Covid-19 positive a ni tih June 28, 2021 khan hmuh chhuah a ni a, SRH-ZMC-ah enkawl nghal a ni. Sihphir aṭanga thu dawn danin, amah hi kal ṭha lo leh lung natna nei sa a ni a; nimin chawhnu dar 1 khan Sihphir community hall-ah vui a ni.