UNICEF-in Health Dept pe

Health department chuan July 12, Thawhṭanni khan UNICEF aṭangin oxygen concentrator 150 leh a kaihhnawih hmanraw hrang hrang an dawng a, sorkar damdawi-ina hman tura tih a ni.

UNICEF aṭanga ṭanpuina hi Health department aiawhin NHM mission director Dr Eric Zomawia chuan a dawng a, UNICEF chungah Mizoram a lawm thu a sawi.

UNICEF hian CSR kaltlangin kum 2020-21 chhungin Mizoram Health department hnenah hri danna (vaccine) chi hrang hrang - Covid-19 vaccine leh vaccine dangte vawn ṭhatna tur deep freezer, ice line refrigerator leh hmun kilkhawr zawka vaccine kenkualna tur (vaccine carrier) ṭha chi ṭhahnem tak a pe a; chu'ng zingah chuan ZMC-a hman tur RT-PCR kháwl pawh a tel a ni.