Mamit DC Dr Lalrozama'n ramri a tlawh

Mamit DC Dr Lalrozama chuan nimin khan ramri bula awm, Chuhvel khaw daia Assam lamin kawng laih an tumna hmunte a tlawh a; Mamit SP, Additional SP, 4th IR Commandant, Kawrthah SDO(C) leh Kawrthah SDPO-te'n an ṭawiawm.

Chuhvel VC leh khawtlang mipuite chu nimin khan John Haliday-a ram piah, K Lalengmawia ramah Mizoram police duty post tur hmun siamin hnatlangin an thawk ṭan a ni.

Tarlan tawh angin, May 30, 2021-a Chuhvel leh Saikhawthlir ram chhunga John Haliday-a'n a huana thlám a sak lai chu Assam lam mi, uniform ha eng emaw zatin kalchilhin sa chhunzawm lo turin an hrilh a; Assam hian kawng laih an tum nia a lan avangin JCB hmangin Assam lam chet khalh tura hmalak a ni.