Padma Shree - A Zakia

India rama civil mite chawimawina sang, Padma Shree dawng turin A Zakia (87) s/o A Nyusa (L), Siaha district chu thlan a ni a; Padma Shree a dawnna category chu literature a ni.

A Zakia hi October 30, 1930-ah Saikao (Ser­kawr) khuaah a piang a, a pian a khua hi Mara rama missionary hmasa ber Rev. Reginald Arthur Lorrain inbenbelna hmun niin, a pa A Nyusa (L) pawh Rev. RA Lorrain hnuaia evangelist hmasa ber a ni.

Kum 1950 khan pawl 6 a zo a, kum 1952 aṭangin zirtirtuah ṭangin, hun rei tak zirtirtute hna a thawk a, headmaster a nih laiin National Teachers Award pawh lo dawng tawh. Kum 44 chung zirtirtu hna a thawh hnuah, kum 1996 khan a pension-in a chhuak.

A Zakai hian Mara ṭawngin lehkhabu ṭha­hnem tak a ziak tawh a, MADC hnuaia sikula zirlaibu eng emaw zat a ziak a, Mara ṭawngin hma a sawn theih nan grammer pawh a buatsaih tawh. A hnathawhte avangin chawimawina chi hrang hrang a lo dawng tawh bawk a ni.

A lehkhabu ziah Ṭhenkhatte
1. Mara reih (Language) Textbook for Class–I, MADC
2. Mara reih (Language) Textbook for Class–II, MADC
3. Mara reih (Language) Textbook for Class–VI, MADC
4. Mara Grammar, First Edition, 2000
5. Mara Grammar, Revised and Enlarged, Second Edition, 2012
6. Mara Geography Châbu, 1979
7. Ei khitlyna (My journey)
8. Reih achu teh (Learn language), English-Mizo-Mara Translation Book
9. Missionary-zy chakaona (The works and ministry of the Lakher Pioneer Mission Missionaries), 2016
10. Hawtizy Bible (Children’s Bible), 2005