Zángnadawmna pek phût

Sihphir Drivers' Association (SDA) chuan thuchhuah siamin, January 22, 2018 zana an veng mi leh an driver pui, Lalbiakzuala kutthlak-tute chu Lalbiakzuala hnenah a inenkawlna senso zawng zawng leh zangnadawmna pe turin an phût.

SDA chuan, Lalbiak­zuala chu Serkhan kawng chho leh chêp takah 'Side min kian lo' tih vang ringawtin Chief Minister escort-tute'n damdawi-in awm ngai khawpin kut an thlak tih an tarlang a, "Hei hi keini SDA-te chuan kan dem tak zet a. Tun hnuah hetiang thil hi thleng tawh lo se kan duh a ni," an ti.