HIV/AIDS donaah NGO leh kohhran An inrawlh tam theih nan hmalak rel

Aizawl District AIDS Prevention and Control Committee (DAPCC) chu nimin khan DC A Mathumma hoin DC conference hall-ah an ṭhukhawm a; AIDS donaa kohhran leh tlawmngai pawlte an inrawlh tam theihna tura hmalak an rêl.

Meeting-ah hian, mipui náwlpui zinga HIV/AIDS pung zelah hmalakna tur rawtna chi nga an siam a; rawtna an siamte chu - link worker-te khawpui páwn lama chak zawka hna thawk thei tura thuam leh training pek, STI damdawi sem leh pek chhuah kawnga ASHA-te training pek, MHIP-te nena thawhhona tihnun thar leh, kohhran leh tlawmngai pawlte inrawlh tamtir tura hmalak leh high school zirlaibua HIV/AIDS awareness telhte a ni.

Mimal damdawi-in thlan chhuah sa pangate HIV/AIDS testing-ah confirmatory (3 tests) test ti thei tura hlankai an rêl a; "Aizawl khaw páwn lam mite tana ART damdawi lak awlsam zawk nan Phullen, Darlawn leh Thingsulthliah-ahte link ART dah ni se," an ti bawk.