Tlabung chhiat tawkte ṭanpuina pe

Nikum June thlaa Khawthlangtuipui lianin a chîm chhiat chenna in neitu, Tlabung V/C huam chhunga chhungkaw 207 hnenah nimin khan Mizoram sorkar aṭanga ṭanpuina sum sem a ni.

Nimina ṭanpuina sem hi Tlabung SDO(C) pisa kawtah neih a ni a, ṭanpuina hi Disaster Ma­nagement & Rehabi­litation-in Natural Cala­mity (flood relief) hnuai aṭanga a pek niin, vaiin Rs. 6,62,400 sem a ni. Tlabung Sub-Division huam chhung khaw danga tuilian tuarte hnenah pawh ṭanpuina sem zel tum a ni a, tuilianin a pum ni loa a tihchhiat chenna in luahtu chhungkuate hnenah sem a ni.

Tlabung Sub-Division chhungah nikuma fûr ruahtui vanga khuarel chhiatna tuarte tan cheng nuai 50 dah a ni a; nikum khan tuilianin chenna in a tihchhiat vek luahtute hnenah chhungkaw pakhat tan Rs. 1,01,900 zelin ṭanpuina sem a lo ni tawh.

Tun ṭumah hian a thawh hnihna atana sum dawn, cheng nuai 35 chu in ṭhenkhat lai chhia (partially damage) anga ziah luhte hnenah Rs. 3,200 ṭheuh pek a ni.