Property rights leh piracy sawiho

Universal Research Foundation, United States Patent & Trade Mark Office, PLR Chambers leh Mizoram Science, Technology & Innovation Council (MISTIC)-te chuan, nimin khan Secre­tariat conference hall-ah Intellectual Property Rights leh piracy chung­chang sawihona an buatsaih.

'The enforcement of Intellectual Property Rights in Mizoram and Trade in Counterfeit Products in Context of India’s Act East Policy' tih thupui sawina hi Plan­ning secretary Dr C Vanlalramsanga'n a kai­hruai a; Mizoram sorkara a kaihhnawih department leh dan kengkawhtu lamte bakah, institution hrang hrang aṭangin mi eng emaw zat an tel.

Sawihonaah hian Telegu Film Chamber of Commerce hnuaia Anti-Video Piracy Cell-a Governing Council chair­man Rajkumar Akella, Motion Picture Asso­ciation of America director Lohita Sujith, Indian Music Industry president leh CEO Blaise Fernandes leh, US Patent & Trademark Office senior counsel Komal Kalha ten thupui hrang hrangte an sawi.

Sawihonaah Mizo­ramin kawng hrang hranga Intellectual Proper­ty Rights leh anti-piracy dan ṭha zawka a kalpui theih dan tur te, state ṭhenkhatin tih dan ṭha zawk an neihte leh Mizorama music leh film industry hmasawn theih dan turte sawiho a ni.