VISHWAS chungchang inzirtir

National Health Mission (NHM) hnuaia district tina programme manager-te pualin nimin khan Health directorate conference hall-ah ni hnih awh tur, Training of Trainers on Village Based Initiative to Synergise Health, Water and Sanitation (VISHWAS) ṭan a ni a; NHM state nodal officer Dr R Lalchhuanawma'n a kaihruai.

VISHWAS hnuaiah hian tui in tur thianghlim, zun leh êk-in neih pawimawh zia te, mimal faina leh nun dan phung hriselin khawtlang a nghawng dan leh a pawimawhzia khaw tinah zirtirna pek a ni dawn a; chuta tan chuan nimina training-a telte'n Village Health Sanitation (VHSNC)-te an zirtir chhawng ve leh dawn a ni.

SBM zir chianna chuan kawṭhalo vangin kum tin naupang kum 5 hnuai lam 1,17,000 an thi ziah niin a tarlang a; chu'ng zinga 37% chu pianṭo fuh lo leh sawngnawi, ṭhang thei lote an ni a, 14% chu sepsis vang a ni. Naupang thihna tam tak chu tui thianghlim in tur awm loh vang te, hriselna leh faina kawnga la hniam vangte a nih ṭhin avangin, VISHWAS programme hnuaiah beihpui thlak tum a ni.