Champhaiin Session Court a neih lawm

Nimin khan Champhai Zote IIDC hmuna hna thawk ṭan, Additional District & Session Court lawmna hun DC conference hall-ah buatsaih a ni.

Inkhawm hi Champhai bawrhsap Vanlal­ngaih­saka'n a kaihruai a; additional SP Biakkila'n Champhaia District Session Court awm loh vang­a police-te'n harsatna an tawh ṭhinte sawiin, "Hrem tura ngaihte pawh hrem lohin an chhuah phah fo a ni," a ti a, Champhaiin rorelna sang zawk a nei thei chu police hnathawhna atan thil lawmawm tak a nih thu a sawi.

Meeting-ah hian tlawmngai pawl hruaitute leh sorkar official-te an tel a, District Session Court neih hmaa Champhaiin harsatna kawng tam tak a neih ṭhinte an tarlang a; Champhaiin Court sang zawka nei tak avangin sorkar chungah lawmthu an sawi a ni.

Meeting-a tarlan dan­in, Champhai Additional District & Session Court-a additional judge leh magistrate-te chu Aizawl hnuaia awm an la ni a, Aizawl hnuai ni lo a, Champhai district hnuai a nih theihna tura hmalak mek a ni.