MPSC chungah MNYF an lawm

MNF party ṭhalaite chuan thuchhuah siamin, Mizoram Public Service Commission (MPSC)-in application fee atana Rs. 270 an lak ṭhin, Rs. 150-a an tihniam dawn ta chu lawm­awm an tih thu an tarlang.

MNYF chuan, MPSC-in Mizo ṭhalai hna dilte application fee Rs. 270 an chawitir ṭhin chu a sang hleah an ngai a, tihniam turin thuneitute vawi tam tak an dâwr tawh tih sawiin, "Kan hmalakna an ngai pawimawh ta hi lawmawm kan ti tak zet a ni," an ti.

MNYF tarlan danin, MPSC-in exam application fee pakhat atana Rs. 270 an chawitir ṭhin chu tribal-te tan February 1, 2018 aṭangin Rs. 150-ah an tihniam dawn a ni.