Chakma zirlaite an tlânchhia

MZP sub-headquarters, Tlabung chuan thuchhuah siamin, Tlabung leh a chhehvel zirna-in hrang hranga birth certificate lem awm nia an rinhlelhte an dap a, chuvang chuan Chakma zirlai eng emaw zat chu sikul kal zui ngam loin hmun dangah an tlanchhia niin an tarlang.

Tlabung MZP chuan, Tlabung leh a chhehvel zirna-in hrang hranga birth certificate lem nia hriatte chu an birth certificate endiksakin, zirlai eng emaw zat chu an birth certificate an laksak a, chu'ng zirlaite chu sikul kal zui ngam loin Bangladesh lamah an tlanchhia niin an sawi.

Academic session tharah chuan Tlabung leh a chhehvel khuaa sikula zirlai lut turte chuan birth certificate original leh Aadhaar card nei zel se an duh thu sawiin Tlabung MZP chuan, "Tlabung hi international boundary, Bangladesh nen inrinaah a awm a, kan ram leh hnam him nan India khua leh tuite chauhin sikul an kal theih nan zirlaite'n birth certificate thil tel zel se kan duh," an ti.