Kawng siam ṭhain hnatlang

Tuidam Drivers & Owner Association (TDOA) huaihawtin tun hnai khan Tuidam aṭanga New Eden kawng, Tuidam dái aṭanga km. khat chuang leh Tumpánglui khaw chhunga NH-44A kawngpui thawm ṭhat hnatlang neih a ni.

Kawngpui thawm ṭhat hi Aizawl-Mamit-Vanghmun-Kanchanpur (AMVK) road a ni. Mizoram chhung chin Tripura nen inrìna Langkaih lui thlengin contractor-te'n hma an la tawh a, kawng hlui zawk behchhan lo chuan tun thleng hian zawh tlang theih a la ni rih lo.

Kawngpui an thawm ṭhat lai chu Tuidam khaw hnuai tlâk lam a ni a, kum 2008 aṭanga NH-44A kawng laih thar avangin kawng awm sa chu leimin leh tawlh mai hlauhthawnawmin a awm reng a ni.

Kawng siam hnatlanga hman tur hian PWD Tui­dam Sub-Division chuan roadroller an hawhtir a, Tuidam VC-te'n JCB an thawh thung. Hmanraw ṭul leh mihring thiarvelna atan lirthei thawh chhuah­pui mi eng emaw zat an awm bawk.