Pawl hrang hrangin ṭanpuina hlân

CII Young Indians, Mizoram Chapter chuan nimin khan Zoram Medical College (ZMC) director Dr John Zohmingthanga hnenah Oxy99 (portable oxygen) bûr 96, rectified spirit bûr 100 leh oxygen concentrator litre 10 an hlân.

North East Trans­mission company chuan Tarpho Branch YMA hnenah ambulance an pe a, zoom meeting kaltlangin Hnahthial DC H Dolianbuaia'n a hlan. Ambulance hi Maruti Eeco van, Rs. 6,17,376 man a ni a, Hnahthial MJA president F Zosangliana'n a vailiam a ni.

Akshaya Patra Foun­dation, Bangalore-a tlawmngai páwl pakhat chuan Aizawl DC hnenah chhungkaw 800 hnena sem tur relief kit an hlân a, ei tur leh hmanraw hrang hrang a awm. Bungruate chu a thawh khatna atan Aibawk RD Block huam chhunga chhawmdawl ngaite hnenah sem a ni ang.