Tihdikna siam turin Home Minister ngen

ZPM Ṭhalai chuan, July 12, 2021-a Home minister Lalchamliana'n press conference a neiha a thusawiah, Mizoram leh Assam ramri atan kum 1875-a ramri pawmna Assembly House-a pass anga a sawi chu a dik lo tih an tarlang a; Cabinet meeting pawm (pass) zawk a nih avangin tihdikna siam turin an ngen.

ZPM ṭhalaite chuan, Mizoram leh Assam ramri chu vawi leh khata chinfel duak theih turah an ngai lo tih sawiin, "Chutih rual chuan, kan luah ram chinte chhuhsak kan ni zel mai hi pawi kan ti. Kan Home Minister hi kan ram humhalh tura huai taka a chêt phawt chuan ZPM ṭhalaite chuan kan ṭanrualpui zel dawn a ni," an ti.